Quen somos?

Apostando por un formato audiovisual, ‘Zoom na bagatela’ é un proxecto multimedia e transmedia que pretende visibilizar a creadores de contidos culturais e artísticos de Galicia. A idea é crear un espazo de difusión, crítica e análise para este tipo de temáticas.

Deste xeito, este novo medio de comunicación explotará os novos formatos xurdidos coas redes sociais para achegar este tipo de contidos á xuventude, ao mesmo tempo que dará a coñecer aos representantes e ás novas promesas do panorama cultural galego.

A nosa intención é abranguer a industria cultural en xeral. É dicir, dende a música, até a cultura máis urbana, pasando polos diferentes tipos de baile ou disciplinas artísticas coma a pintura, a escultura ou o deseño de moda. Sempre cunha narrativa orientada á xuventude.

O noso compromiso

Misión

O noso principal obxectivo é divulgar as diferentes disciplinas artísticas do panorama galego, así como dar a coñecer aos seus protagonistas.

Visión

Queremos ser o altofalante de todas as disciplinas e expresións artísticas ou culturais de interese para a mocidade galega e en galego.

Valores

Temos a pretensión de recuperar, innovar, actualizar e adaptar a cultura galega desde a creatividade, a modernidade e o respecto.